تصفح

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان



العودة   منتديات عالم الرومانسية > منتديات ترفيهية > نكت جديده نكت مضحكة نكت خليجية عربية

نكت جديده نكت مضحكة نكت خليجية عربية احلى النكت ،نكت جديده نكت مضحكة نكت خليجية عربية, مقالب المحششين ، غباء ، ذهانة ، مسلفحين ، فضفضة ، نكت على الطاير ، عقول المجانين ، ابتسم ، اضحك ، وسع صدرك ، يمنع ذكر جنسيات أو قبائل محددة





تعالو شوفو الحش عند النسوان بدوووون زعلووووه

موضوعي عن الحش وطبعاً الحش كلنا عارفينه. من منا ما يحش ((تكلم عن نفسك)) بس بغيت أني أوضح بعض الأمور للي ما يعرفون يحشون. وللحش عدة طرق وكل

موضوع مغلق
 
أدوات الموضوع انواع عرض الموضوع
قديم 07-06-2004, 11:11 PM   #1 (permalink)
فيصل الشوق
رومانسي مبتديء
 

ADS
تعالو شوفو الحش عند النسوان بدوووون زعلووووه









موضوعي عن الحش وطبعاً الحش كلنا عارفينه. من منا ما يحش ((تكلم عن نفسك)) بس بغيت أني أوضح بعض الأمور للي ما يعرفون يحشون.



وللحش عدة طرق وكل الطرق تجيدها المرأة وتعرف خباياها أما الرجال ما يجيد منها شيء وحتى لا جا يحش ودك تكفخه بلوح من سوء الترتيب في الحش يعني لا جا يحش ما ودك تسمعه أصلاً ما يعرف كيفية حبك الحشه تحس أنه كذاب عشان كذا أنا باتبع المثل اللي يقول عط الحش حشاشه لوتحش نصه ولا تظنوني أني أقصد بس الحريم في الحش لا وربي حتى البنات ((يا مكحلها اعميتها ))

المهم الحش تخصص فيه النسوان بحكم الفراغ والروتين الممل والحش يختلف من بنت لبنت ويقولون إنه أقوى الحش حش الحوامل تحشك وكنها جالسه تشوف برنامج تعليمي يقول سيدتي كيف تجعلين من طفلك حشاش هاوي ويا ويلك لو يجي الحشاشة الطلق وهي جالسه تحش فيك ويا ويلك لو يجتمعون ثلاث حشاشات عليك في الشهر التاسع وربي أن يطلعونك متزوج فيفي عبده عقب ما طلقت سهير زكي ورميت لها العفش بالشارع.

يقول نابليون بونابارت لا بغيت تزعزع الثقة في خصمك ابعث له نمامه يقصد حشاشه على مستوى فرنسي تنشر بينهم الأكاذيب((أعرف وحده حشاشة وربي لو مستعين أبها نابليون كان أنشرت له الخبر في الولايات المتحدة كلها خلال يومين مع كندا وباريس وسويسرا والحوطه و الأحساء هدية فوق البيعه<.


والحشاشة فيها ميزة غريبة لا جات تحش تعدل جلستها الظاهر أن الحش مثل (الكحة) يعني لا شفت لك حرمه تعدلت في جلستها خل وجهك قبله. ومن ميزات الحشاشات هو اختيار الموعد المناسب للحش يعني عمرها ماتحش وهي تبي منك شيء بالعكس ما ترضى عليك لكن من تخلص حاجتها علقتلك الرمانة ((الرمانة ذي حديده كبيره مربوطه بسلاسل شفتها في فيلم لعادل إمام وهم يعلقونها له يبغون يذبحونه ويغطسونه بها في البحر)) لكن مع هذا الحشاشات فيهم حنيه وطيب سبحان الله تناقض رهيب وأذكر وحده عجوز طيبه حنونه تحبني كثير يقال لها الخاله موضي تقول يا ولدي يا بدوي بعطيك نصيحه يمك واحفظها تكفى قلت لبيه انصحي قالت عمرك يا بدوي لا تعطي حشاشه قفاك ((ادري ياخالتي ما تشوفيني معطيك وجهي؟.



وطبعاً ما هوب كل الحريم يحشون لا أنا أعرف بنت حلال يوم تجي مجمعه لها كم حرمه حشاشات أول الليل ومسكوا في وحده من خوياتهم حش وقامت عليهم بنت الحلال اللي تكره الحش وقالت لهم لو سمحتوا كل وحده تحترم نفسها ماله داعي نجيب في طاري البنت أنا ما احب الحش اللي بتحش تحش برا بيتي صحيح انها نذله وبنت كلب ولا فيها خير وشايفه نفسها مدري على إيش لكن مابي أحد يحش فيها ((الله يجزاك خير ليت كل الحشاشات زيك كان ماحتجنا لحش الحوامل)) وازيدكم من الحش بيت لا جوا الحريم اللي عندها يغيرون الموضوع قالت تدرون انكم خذت ذنب في حشكم فيها يعني وذمتكم الحقيرة ذي اللي ماتسوا نعالكم تستاهل الواحد ياخذ فيها ذنب؟؟



الله يقطعهم ذكروني بالنسوان لاجوا لأمي الصبح وتجمعن وبدو مسلسل التشهير تقول كنه كل وحده قبل النوم كاتبه على مراية الزينه حقتها بقلم الروج وش بتحش فيه بكره وربي مسكينه أمي تقول ودي أبهم كل يوم يجوني بس المصيبه خايفه أجمعهم على الشر وآخذ ذنبهم نعنبو دارهم أقرب مالهم حبيب يحشونه وبعض الأحيان تحش مع الشاهي وشندوش جبن يعني حش مزاجي ويا ويلك من ذيك المره اللي تحشك وهي تئزئز لب وربي تقشر في ظهرك كنها تقشر حب شمسي.


وسبحان الله الحشاشة لا طحت عليها وهي توها خالصه حش تشوف آثار الحش في شفايفها >مسود< تقول توها مخلصة بكت زقاير أبوبس ولا حجرين شيشه.



عاد أنا يوم شفت الحالة زادت الايام هذي قلت بقول للحشاشات وش سمعت عن اللي تحش وهي وكيفها اللهم اني بلغت.
.


طبعاً لا أحد يصدق أمزح أدري أنه قلة قليلة من النسوان اللي تحش ما تتعدى 99% ولا
الباقي الله يحفظهم يارب العالمين.

--------------------------------------------------------------------------------

كفاية
هههههههههههههههههههههه

فيصل


فيصل الشوق غير متصل  
موضوع مغلق

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Trackbacks are متاحة
Pingbacks are متاحة
Refbacks are معطلة



الساعة الآن 06:04 AM


Powered by vBulletin® Version 3.8.7
Copyright ©2000 - 2014, Jelsoft Enterprises Ltd diamond

Search Engine Friendly URLs by vBSEO 3.6.0