تصفح

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان






العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية


قصة فتاة مع شاب على الماسنجر <واقعيه>

قصة بنت وولد على الماسنجر لاتفووووتكم السلام عليكم ورحمة الله وبركااااته000 هذي قصه بنت اسمها سارا مدمنه على النت وكانت ماتسكر النت الا الساعه 1 بالليل في

موضوع مغلق
 
أدوات الموضوع انواع عرض الموضوع
قديم 12-09-2003, 09:52 AM   #1 (permalink)
الجررررريح
رومانسي مجتهد
 

ADS
Talking قصة فتاة مع شاب على الماسنجر <واقعيه>









قصة بنت وولد على الماسنجر لاتفووووتكم
السلام عليكم ورحمة الله وبركااااته000
هذي قصه بنت اسمها سارا مدمنه على النت وكانت ماتسكر النت الا الساعه 1 بالليل
في يوم من الايام اضافها واحد ومسمي حاله ( الامبرطور ) المهم مر اسبوع وهي ودها تعرف مين هذا
بعد ثلاثه ايام دخل هو الماسنجر وشافته طبعا انبسطت عشان بتفتح تحقيق
هو : الامبراطور :
هاي


سوسو :
من انت

سوسو ::
ومن وين عرفت ايميلي وش حقه اضفتني ومين اعطاك الايميل...الخ


الامبراطور ::
بسم الله شوي علي

سوسو :
سلامتك ماني صارعتك يالله بسرعه جاوب

الامبراطور :
ليش انتي بنت

سوسو :
أي عندك مانع


الامبراطور :
لا بس انا غلطان اختي لاني كنت بضيف صديقي وطلع الايميل غلط


سوسو :
وليش تغلط عمي ماتشوف

الامبراطور :
اختي قلنا آسف عن الغلط من البدايه ماسكتها تحقيق معي

سوسو :
اجل تضيف بنات الناس وماتبغا حد يحقق معك والله شباب فاضي ماعندة سالفه

الامبراطور :
اقول اختي فرصه سعيدة وآآسف مرة ثانيه وممكن انك تحذفيني او تحضريني اذا مش عاجبك الوضع

سوسو :
يعني ايش تقصد

الامبراطور :
اقصد مع الف سلامه

سوسو :
ليش ما اعتقد كلامي يزعل

الامبراطور :
لا بس انا مشغول شوي باي

سوسو :
لحظه لحظه

الامبراطور :
هلا تآمرين بشي

سوسو :

لا سلامتك بس ماقلتلي ايش اسمك

الامبراطور :
هههه ليش مهم

سوسو :
وليش الضحكه ما اعتقد كلامي يضحك

الامبراطور :
لا ابدا لاكن كلامك بالبدايه غير وهذا غير

سوسو :
طيب آسفه على السؤال باي

الامبراطور :
باي

**

وضلت سارا حاقدة عليه لانه استفزها وما اعطاها وجه


ومر يومين وماشافته بالنت طبعا مدة طويله لوحدة طول وقتها بالنت


المهم لما دخل على الماسنجر على طول هي الي بدت الكلام


سوسو :


مرحبا

الامبراطور :
مراحب

سوسو :
كيف الحال

الامبراطور :
بخير


وبعد صمت طويل

سوسو :
آسفه الظاهر انك مشغول وانا عطلتك

الامبراطور :
لا ابدا حبي لا كن انا اشتغل على البحث حقي وما ادخل الماسنجر كثير

سوسو :
وشو حبك حبتك القرادة قول انشاء الله

الامبراطور :
وش فيك انقلبتي

سوسو :
بس بأي صفه تقول حبي

سوسو :
الشرهه على الي يكلمك مش عليك

الامبراطور :
سوري آنا آسف وحقك علي

سوسو :
سوري ولا لبناني مايهم وهذي آخر مرة تقول ذا الكلام

الامبراطور :
طيب ياصاحبه السمو اوعدك ما اعيدها

سوسو :
الـــله عجبتني كلمه صاحبه السمو كذا الكلام والا بلا

الامبراطور :
خلاص من اليوم ورايح راح اناديك صاحبه السمو وش تبغين اكثر من كذا

سوسو :
طيب انا ايش اناديك

الامبراطور :
هههههه
حلو ذكائك انا ناديني باسمي خالد

سوسو :
واااو اسمك جنان حلو مررة حلو مش مثلي طاح حظي

الامبراطور :
كل واحد اسمه حلو ولايق عليه

سوسو :
ليش مش حاب تعرف ايش اسمي

الامبراطور :
على راحتك اذا حابه تقولي قولي واذا مش حابه اكتفي بصاحبه السمو

سوسو :
طيب كم عمرك شكلك مش كبير

الامبراطور :
عمري 25 سنه

سوسو :
العمر كله بس صغير

سوسو :
على فكرة انا اسمي سارا وعمري 18

سوسو :
اقول وش رايك انا معي شله بنات نضيفهم بالمحادثه وندردش

الامبراطور :
لالا انا مثل ماقلتلك عندي بحث ولازم اخلصه
الامبراطور :
باي

سوسو :
براحتك باي

××

وضلت سارا دوم تفكر فيه وبعدها ضل لمدة ثلاثه شهور مايدخل النت

البنت جنت وقالت اكيد شافله شوفه ثانيه


وضلت تفكر فيه لاكنها كانت تقول دوم هو غير الشباب الي بالنت هو غيرهم كلهم واحد ثقيل

مايهمه البنات كثير

وبعد اسبوع....
××

الامبراطور :
يامساء الخير والاحساس والطيبه

سوسو :
اهلين وينك يالقاطع

الامبراطور :
سلامتك لاكن الاختبارات ماترحم وهذي آخر سنه لي

سوسو :
الله يوفقك

الامبراطور :
وحشتيني مووت

سوسو :
انت اكثر

الامبراطور :
صدق تتكلمين ؟ ما اعتقد

سوسو :
والله ما اقدر على فرقاك جد اتكلم شوفلك صرفه

الامبراطور :
خلاص انا عند حل يرضي كلا الطرفين

سوسو :
ايش هو ؟

الامبراطور :
ايش رايك اعطيك رقم جوالي واذا حبيتي تشوفيني بالنت او وحشتك مثل ماتقولين ارسلي بس رساله لي

سوسو :
نعم نعم نعم لا منت صاحي ولا تفكر بيوم اني مثل البنات الي انت تكلمهم انا بنت ناس ومتربيه وو .....

الامبراطور :
والنعم لاكن انا ماقلت بكلمك قلت ارسلي رساله و يصير خير

سوسو :
خلاص غير الموضوع بسرعه

الامبراطور :
اوكي لا كن هذا رقمي اذا حبيتي تشوفيني مرة ثانيه بالنت ارسلي بس رساله ××××××××

سوسو :
طيب باي

الامبراطور :
باي
××××××


طبعا سارا اخذت موقف من خالد لاكنها ولشدة فضولها سجلت الرقم

المهم بعد كم يوم اشتاقت تكلمه او بالاخص عندها موضوع حبت تقوله عنه


فكرت وفكرت ايش تسوي او كيف تشوفه بالنت

فقالت لنفسها : ليش ما ارسله رساله مثل ماقال هو مابيكلمني ولا انا راح اكلمه


المهم كتبت برسالتها (( خالد معليش لو سمحت تدخل النت ضروري ))


المشكله انه مارد عليها


مرت نص ساعه على ذا الوضع

انقهرت البنت وارسلت رساله (( معليش آسفه على الازعاج ))


وكرهت نفسها بعد هذا الموقف انها تصورت انه مطنشها


وبعد ايام (( شافته بالنت ولا كلمته وضلت على هذا الوضع ربع ساعه ))

ملت وتنازلت انها هي الي تبدأ بالكلام

×××××××

سوسو :
السلام عليكم

الامبراطور :
هلا والله

سوسو :
لو سمحت احذفني من عندك وما عاد اشوف رقعت وجهك بالماسنجر

الامبراطور :
اللهم سكنهم ايش الي صار

سوسو :
بعد الحركه الي سويتها معي ماودي اكلمك او حتى اشوفك بالقروب حقي

الامبراطور :
ليش لاسمح الله انا ايش سويت

سوسو :
لا انت برئ ماتسوي شي

سوسو :
بس طنشتني وانا كنت محتاجه لك ذاك اليوم

الامبراطور :
أي يوم

سوسو :
اقصد الرسايل الي ارسلتها لك لاتستهبل خويلد

الامبراطور :
آآآة تقصدين حقت النت

سوسو :
أي هي ليش مادخلت النت او حتى قلت انك مشغول

الامبراطور :
لا عمري انتي فهمتي غلط انا افتكرته واحد من الربع مطلع رقم جديد

سوسو :
لا بس انا آسفه وهذي آخر مرة كانت لحظه طيش

الامبراطور :
عمري لاتقولي هذا الكلام وثاني شي انتي قلتي انك ماتبغين الرقم آخر مرة شفتك فيها

سوسو :
طيب قلتلك انسا الموضوع

الامبراطور :

طيب ايش هو الموضوع المهم الي كنتي تبغين تقولينه

سوسو :
خلاص ماله داعي

الامبراطور :
بتقولين ولا كيف ؟؟؟؟ تراني عصبت

سوسو :
كل مافي الموضوع ان انا خطبني محمد ولد عمي طيب وانا ما احبه ولا اطيق اشوف رقعت وجهه

واهلي موافقين كلهم واخاف ارفض وعمي يزعل من بابا

الامبراطور :
والمطلوب

سوسو :
انصحني

الامبراطور :
شوفي انا ماني سريع بالكتابه

يعني راح اتصل عليكي واقولك رايي لان الموضوع باين عليه طويل

سوسو :
لااااااااا مجنون انت

الامبراطور :
يابنت الناس ماني مآكلك وثاني شي انتي لاتتكلمين انا بس الي راح اتكلم اوكي


سوسو : وبعد تفكير
طيب لاكن انا مابقول ولا كلمه

الامبراطور :
اوكي
××××××××

بعد ثواني
تررررن ( نغمه راشد )


خالد : الوو مرحبا

سارا :...... (صامته البنت تستحي)

خالد : طيب قولي مرحبا انا كذا ما اعرف اكلمك وانتي ساكته يعني كأني مجنون اكلم نفسي


سارا : (( بلا شعور )) لا سلامتك

خالد : الله يسلملي هالصوت الحلو

سارا : (( لاتعليق ))

خالد : اوكي ماراح اطول عليكي انتي قلتي انك ماتحبينه ممكن اعرف السبب

سارا : ضروري تعرف

خالد : اكيد عشان اقولك رايي

سارا :
(( سارا طبعا بلا شعور )) لانه واحد معقد وتافهه وماعندة سالفه

خالد : يمه منك كذا على طول خليتيه معقد ؟ اكيد في سبب

سارا : لا بس من طريقه كلامه واسلوبه وثاني شي شايف عمرة مدري على ايش كأنه مافي حد درس جامعه غيرة

خالد : يعني المثقف عندك معقد او مغرور

خالد : انا طيب مهتم بدراستي فوق ماتتصورين

سارا : لاااااا عاد انت غير


خالد : من أي ناحيه

سارا : كلك على بعضك حلو

خالد : احم احم

خالد : كله من ذوقك يا عسل

سارا : تسلم (قالتها بكل خجل )

خالد : المهم اذا كنتي لهذي الدرجه ماتحبينه خلاص ارفضي والي يصير يصير
سارا : طيب ممكن طلب

خالد : آمري

سارا : ممكن ترسلي صورتك

خالد :هههههه لا طبعا

سارا : طيب آسفه

خالد : لا عمري لاتزعلين لاكن انا من جد مش وسيم واخاف تنصدمين

سارا :طيب اوصفلي نفسك

خالد : احم احم طبعا اناقصير اسمر شعري كشه على قولكم انتوا البنات

سارا :ههههههههه أيش دعوة

خالد :طيب هذا ابن عمك حلو

سارا : ياي يجنن تخيل طويل وابيض عيونه عسليه وشعرة ناعم مثل جواد العلي

خالد : هههههه هذا الي قاطع قالبكم يالبنات جواد وطقته

سارا : لا بس ماشاء الله عليه كثير وسيم يمكن احلى مني بعد

خالد :ليش انتي مش حلوة

سارا : لا قمر واحلى من القمر بعد لا كن انا متواضعه

خالد : هههههه واضح متواضعه

سارا : اووو خالد الساعه 2 الوقت سرقنا وانا عندي بكرة مدرسه

خالد : اوكي عمري ما اطول عليك لاكن بكرة بس اجلس الصباح راح ادق عليكي اوكي

سارا : اوكي مع السلامه

خالد : تصبحين على خير
×××××××

جلست سارا الصبا ح وهي متأخرة على الدوام
وطبعا اعطوها حرمان من الحصه الاولى


جلست بالساحه تفكر بخالد وفجأة رن الجوال ( نغمه راشد )

خالد : الو

سارا : الوووو

خالد : يسعد لي هالصباح

سارا : هلا والله الطيب عند ذكرة

خالد : مشاء الله كنتي تفكرين فيني ولا كلام بس

سارا : انت ايش شايف

خالد : ماقلتيلي ماعندك كلاس الحين

سارا : لا عندي بس حرموني منها لاني رحت متأخر

خالد : اوووف ماعاش من يزعل عمري

وضلت سارا وخالد على هذا الحال كل يوم تكلمه ولاتفوت أي شي الا وتقوله له

ورجع في يوم من الايام ولد عمها وتقدم لها للخطبه

لا كن اهلها هذي المرة غصبوها على الموافقه

ووافقت بعد تردد وتفكيرطويل

واتصل خالد :
الووو
عمري كيف الحال

سارا : هلا حياتي كيفك

خالد : تمام

سارا : خالد بقولك على شي متعبني

خالد : ايش هو لايكون تعبانه او مريضه

سارا :
لا حياتي لا كن ولد عمي رجع خطبني مرة ثانيه واهلي غصبوني عليه

خالد : طيب ( يعني ايش )

سارا : يعني انا وافقت عليه وصار خطيبي وبعد اسبوع كتب كتابي عليه


خالد : طيب تحبين اخطبك

سارا : انت تتمسخر ( تقولها وهي تبكي )

خالد : لاعمري لاكن ليه تبكين

سارا : لانك آخر واحد فكرت انه يتمسخر علي

خالد : طيب اقولك على سري الي ماقلته لحد قبلك

سارا : ايش هو

خالد : انا كمان خاطب بنت قرايبنا

سارا : ايش وليه ماقلتلي لهذي الدرجه انا رخيصه ووو...

خالد : انتي وش فيك صبر علي

خالد : آة وعلى فكرة اسمها سارا وعمرها 18 وهي بنت ولا كل البنات

سارا : ايش تقصد ؟

خالد : اقصد ياعمري انا اسمي محمد ولسه متخرج وخاطب بنت عمي سوسو

سارا : (بدون شعور سكرت بوجهه السماعه )


المهم بعد ماعقد قرانهم اجا عشان يشوفها ويجلس معها

هي كانت تبكي وتقوله ليش سويت كذا فيني حرام عليك

قالها لانك كنتي ماتحبيني وخليتك تحبيني غصب صح

قالتله : صح
وتبادلو الضحكات

وعاشوا حياة سعيدة
قصة فتاة مع شاب على الماسنجر <واقعيه> قصة فتاة مع شاب على الماسنجر <واقعيه> قصة فتاة مع شاب على الماسنجر <واقعيه> قصة فتاة مع شاب على الماسنجر <واقعيه>
منقوله


الجررررريح غير متصل  
قديم 12-09-2003, 01:24 PM   #2 (permalink)
islam_yn2
رومانسي مجتهد
 
مشكور

مشكور اخ جريح على هذه القصه
وننتظر المزيد منك
islam_yn2 غير متصل  
قديم 12-10-2003, 11:31 AM   #3 (permalink)
ياذهبهم
رومانسي مبتديء
 
إرسال رسالة عبر Yahoo إلى ياذهبهم
مشكور على القصه الجميله

في الحقيقه قصه رائعه يا ذهبهم انت ويا قمرهم

والله شديتني بقرائتها مع انها طويله


بس ننتظر منك الجديد يا ذهبم انت
ياذهبهم غير متصل  
قديم 12-23-2003, 07:22 PM   #4 (permalink)
صقر خريمان
رومانسي مبتديء
 
Smile العن شكلك

قصة مشوقة وتشد الى اخر كلمة والمزيد
شكرا
صقر خريمان غير متصل  
قديم 12-29-2003, 07:44 AM   #5 (permalink)
الخاااااااطوف
رومانسي مبتديء
 
مشكور اخوي الجررررريح


عليها ولد عم


عرف نقطة ضعفها

بس هي غبيه صراحه


ما تعرف جوال خطيبها


بس هذي الدنيا

يوم لك وعشر ايام عليك ( هذا المثل بالنسبه لي )



الله يوفقهم وحنا الله يوفقنا
الخاااااااطوف غير متصل  
قديم 12-29-2003, 10:50 AM   #6 (permalink)
الظنون الثايرة
رومانسي مرح
 
مشكوووووووور اخوي الجريح على المشاركه


الله يعطيك العافيه عليها بس ترىخوفتني :(

اخاف اني اطيح بين ايد اخوي ويشتغل تسحيب فيني :(

عاد ساره حظها احسن شوي طلع ولد عمهاا

وتزوجها بس انا اخوووووي (( مصيبه لو بيفكر يتزوجني ))

وعلى كل حاال انا ذيبه محتاطه ماادخل في الوقت اللي يدخلوون فيه

شكررررررراا الجررريح وننتظر المزززيد

تحـــــــــــياتي / الظـــــــــــــنون الثــــــــــــــــايره
الظنون الثايرة غير متصل  
قديم 12-29-2003, 12:39 PM   #7 (permalink)
عهــــــــــــد
رومانسي مبتديء
 
Wink يعطيك الـــــــــــــــــــــــــــف عافيه**

السلام عليكم ورحمة الله وبركاته//

الغالي/ يعطيك العافيه وتسلم وبصراحه قصة رائعه جدا00
ننتظر منك المزيد*

بس تتوقع لو كنت انت او اي واحد مكانه يرضى ياخذها بعد ما هي رضيت تكلم شاب00وبعد ما طاحت في المسكين تهزيء!!!!
لو اني مكانه والله ما افكر فيها؟؟؟

***

تقبلوا تحياتي واشواقي///
عهــــــــــــد غير متصل  
قديم 12-30-2003, 03:35 AM   #8 (permalink)
الجررررريح
رومانسي مجتهد
 
يسلمووووووووووووووووووووو على المشاركات






والللع يا اخــــــ ( عهد) يقول ومن الحب ما قتل




وشكرا على المشاركات





تحياتي
الجررررررررريح ..... سيــ الكناري ــــد
الجررررريح غير متصل  
قديم 05-10-2006, 09:31 PM   #9 (permalink)
bu_qafoor12
رومانسي مجتهد
 
مشكووووووووووووووور
على القصه الرائعه
bu_qafoor12 غير متصل  
قديم 05-14-2006, 01:08 AM   #10 (permalink)
ذا ليدي
رومانسي مجتهد
 
الصورة الرمزية ذا ليدي
 
إرسال رسالة عبر MSN إلى ذا ليدي
قصه رائعه....................ومررررررررررررررررررررررر ررررره حلوه ليت كل ارجال زي كذا .......................شكرا
ذا ليدي غير متصل  
موضوع مغلق

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Trackbacks are متاحة
Pingbacks are متاحة
Refbacks are معطلة



الساعة الآن 03:55 PM


Powered by vBulletin® Version 3.8.7
Copyright ©2000 - 2014, Jelsoft Enterprises Ltd diamond

Search Engine Friendly URLs by vBSEO 3.6.0