تصفح

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان



العودة   منتديات عالم الرومانسية > منتديات القصص والروايات > روايات كاملة طويلة ممتعة للقراءة

روايات كاملة طويلة ممتعة للقراءة روايات كاملة طويلة ممتعة للقراءة من اجمل الروايات الرومانسية والاجتماعية بين يديك في صفحة واحدة, تمتع بقراءة ما تحب في منتديات القصص والروايات





((ارحم حبي))روايه رومنسيه جريئه خيال ( منقولة )

فيها ........................................... والغرور والتجاهل والغيره و............... منال:صباح الخير يبه ابوفهد(ابوها)هلا يبه صباح النور ها مبجره اليوم قلتي ان محاضراتج خلصت؟ ....منال:سلامتك بس باخذ جدول امتحاناتي

إضافة رد
 
أدوات الموضوع انواع عرض الموضوع
قديم 01-14-2008, 01:46 AM   #1 (permalink)
غرام السنين
رومانسي مجتهد
 
الصورة الرمزية غرام السنين
 

ADS
((ارحم حبي))روايه رومنسيه جريئه خيال ( منقولة )









http://downloads.roro44.com/59446
فيها

...........................................

http://downloads.roro44.com/59446
والغرور والتجاهل والغيره و...............
منال:صباح الخير يبه ابوفهد(ابوها)هلا يبه صباح النور ها مبجره اليوم قلتي ان محاضراتج خلصت؟ ....منال:سلامتك بس باخذ جدول امتحاناتي وانظم جدولي للكورس الياي
ابوها:الله يوفقج يبه... منال:اصب لك جاي وياي ابوفهد:لا يبه انا خلصت الحمدلله
منال:يووووه يعني بتريق بروحي...... ابوفهد:ودي يا عمري اقعد معاج شوي بس عندي اجتماع باجي له اقل من ساعه ويادوب الحق عليه.....منال:لا يبه روح الله وياك
ابوفهد:لا خلا ولا عدم من فهد والله اني فاقده وحاس اني متلعوز بدونه حتى الشغل مالي خلقه
وحاس نفسي ماعرف شي
منال:ايه والله هالمره طول بسفرته.....ابوفهد: الله يعينه ياببه اللي يسمع الحين تقولين سفرته على باله
ان المسكين رايح يرفه عن نفسه ولا لشغل يخصه بعد عمري اهو شغل في شغل حتى اعمالنا خارج
الديره اهو متكفل فبها ناسي نفسه هالولد ماعاش سنه مثل غيره.......
منال بينها وبين نفسها :ايه والله الوالد على نيته وانت شدراك الحين ان فهد كاد نفسه يا حليلك يبه مصدق ان فهد هالك نفسه لهدرجه بالشغل ......
ابو فهد:شعندج تحاجين نفسج .... لا يبه سلامتك اقول الله يعينه فهد لاهي بالشغل بس مع هذا
اهو بالمقام الاول قاعد يفيد نفسه يعني حلالك ولا حلاله كله واحد
معاج حق يبه بس انا ماكان ودي ان فهد يهمل نفسه لهدرجه انتي تدرين انه انسان ناجح
درس واجتهد عشان يتخصص بمجال يحبه ويكرس نفسه له وتغرب على شان يدرس هالمجال
بس ليما كلمته اني ابيه يكون معاي ويشيل عني لو حمل خفيف من الاعمال نسى حتى حلم عمره
اللي كان يتمناه من اهو صغير.....
منال:شدعوه يبه اللي يسمعك يقول انك جبرت اخوي فهد على شي اهو ما يبيه انت ما طلبت منه
انه يترك حلمه انت ماطلبت الا كل طلب يطلبه الاب ليما يشوف ولده كبر انه يكون معاه
بوفهد:مادري يا حبيبتي انتي داااايم كلامج يريحني بس صدقيني يا يبه انا مابي احرم احدكم من شي
اهو يبيه لان ما عندي غيركم وبنفس الوقت مابي اخليكم عقب عيني تايهين ما تعرفون تديرون حلالكم
لان كل ما املك لكم ......... منال:يوووووووووووه يبه ماحب تتكلم جذي الله يخليك ويمد بعمرك
بعدين انت توك صغير اصلا اللي يشوفني معاك يقول.ايه يقول هذي اخته لا والعوده بعد
ضحك بوفهد:الله يخليج اختي ها ترى جذي تغريني بالزواج وبعدين بجيبلج مرة ابو وانتي بتاكلينها
منالك:لا مطمنه ماسويتها وانت شباب واحنا محتاجين ام تسويها الحين ليما....سكتت منال
كملي ليما كبرت ها انتي توج تقولين اني صغير اه منج
منال:لا ياحبيبي اذا تبي تتزوج لا انت موصغير اصلا الناس لي شافوني معاك يقولن هذااكيد
ابوها العود..... زين يا منول انتي الوحد لا ياخذ منج حق ولا باطل
حبيبي انت تدري اني اتغشمر معاك انا منو عندي غيرك اتغشمر معاه
ضحك ابوها وقال:انا بروح الحين صج قبل لانسى علوي شخبارها وي الدراسه
منال:عاليه ما ينخاف عليها ام قلبين هذي صدقني بتصكنا بنسبه حددددددددددها قويه
الله يوفقها لا تقولين جذي عن بنت عمج الله يوفقها سلميلي عليها وشوفيها اذا محتاجه شي مدرسين
او مراجعات لا تقصر على نفسها وانا اعرفها تستحي قوليلها هذا حلالج مو منه مني الله يوفقها تدير حلالها بنفسها وبحريتها عشان ارتاح
منال:انشا الله يبه مع انها عمرها مافكرت ان لها حلال عندنا وراح يجي يوم وتستقل فيه عنا اصلا اهي واثقه فينا...بوفهد:يبه هذا حلالها واحنا مالنا فضل عليها هذا نصيب اخوي راشد رحمة الله عليه وعقب عينه اهي وامها احق فيه من غيرها....منال:الا امها ونعم المره لو وحده غيرها جان استخفت بعد وفاة عمي عالفلوس ورفضت ان تسلمنا نصيبها ونصيب بنتها
يا يبه احنا ما خذناه منها احنا نديره لها لبنتها وهي وعاليه لها نصيبها حالها حالنا انا وعمامج وعمتج
لان هذا كله حلال الوالد رحمة الله عليه احنا طلعنا عالدنيا وما حتجنا شي بسلامة ابوي وجدي واذا انتي تشوفين هالخير شلون يتوسع ويكثر يوم عن يوم فهذا خير من الله ولاننا نمشي حسب مايرضيه
والحين كافي اسئله تاخرت عالاجتماع
منال:اصلا لعلمك انت اللي اخرتني ......بوفهد:يعني جذي زين فمان الله
منال:فمان الله يالغالي
....................................
تعريف بالشخصيات
ابو فهد (بندر الراهي)اولاده منال عمرها22سنه 4جامعه تخصص اعلام وفهد 27سنه درس المحاماه في بريطانيا كان مهوووووووس فيها بالصغر بس لقى ان الشغل مع ابوه ومساعدته تستاهل ان يضحي بحلم عمره لانه كان مفكريفتح مكتب محاماه وكان يحلم باليوم اللي يشوف اسمه فيه بالجرايد
بس ماعطى للموضوع اهميه كثر ماهتم بالشركات والشغل مع ابوه فهد شخصيه صارمه
طويل ابيض جسمه رياضي شعره اسود وكثيف يحب يطوله شوي عيونه سود حلوووووه جذاااااب
ووسيم بطريقه ملفته للنظر ولبسه كله بدل واكثرها رسميه طبيعة الشغل وكل البنات اللي يشوفونه
يتحطمون واهو ولا عندهم منال مرحه بس علاقتها مع فهد جذيه اهو فرض عليه جذي تاخذراحتها
مع ابوها اكثر بوفهد عنده ثلاث اخوان واخت وحده
اكبر واحد سالم متوفي وعنده ولد وبنت يدرسون بالخارج وي بعض قبل اربع سنوات((جراح ورغد)
واخوه غانم موجود واهو بالشركه مع اخوه لانها اصلا ملك لهم كلهم اهم من اكبر العوايل بالكويت ويملكون اكبر ثلاث شركات للمقاولات غير الاراضي والعماير لانهم من اقدم العوايل بالديره كونت نفسها بنفسها وغانم متزوج وعنده(عبير وغديرواحمد)عبير عمرها عمرها 25متزوجه وغدير عمرها 23 بالجامعه كله تسقط ماتحب الدراسه واحمد 17سنه ثالث ثانوي
وراشد(اخوه الصغير) اكثر واحد كان بندر بوفهد متعلق فيه راشد كان بشبابه يحب السفر وكله مشاكل مع اخوانه اللي اكبر منه سالم وغانم لانه ما كان متزن وما يحب المسؤليه بس بندر كان يحبه لانه قريب من سنه يعني اهو اكبر منه بسنتين فكانو يفهمون على بعض راشد تزوج لبنانيه حبها مووووووت وعاش معاها سنه بدون مايدرون اهله انه متزوج بعدين جابها الديره واخوانه عارضوه على هالزواج


يعني ما يصير ياخذ غريبه لبنانيه شبيقولون الناس؟بس اهو رفض انه يطلقها ورد لبنان وياها عاش
معاها سنتين وتوفى واهي كانت حامل ليما درو هله رفضو انه ياوون زوجته عندهم الا ان بندر عارضهم اهو واخته منيره لانهم درو ان المره حامل وقالهم حزتها(ان المرحوم ما تهنى بحياته ولا تمتع بخير ابوه ونصيبه وراشد محد راح ياخذ حلاله ويمد يده عليه لان مرته وولده اللي ياي بالطريق اهما احق فيه )بعدين جت مرته للديره وللدت بنت سماها عمها بوفهد (عاليه)كانت احلى من القمر عمرها 18 سنه اخر سنه لها بالمدرسه حلوووووووووووووووووووووووووووووه عذااااااااااب
بيضا وشعرها اسود طويل وكان لون عيونها ازرق نيلي مثل امها ورموشها طويله وعليها جسم خيالي
الكل مهوووووووووووس فيها واهي من النوع المندفع والواضح مع ان كل اللي يشوفها ماتروح صورتها عن باله ال ا ان في بالها صوره وحده تتمنى انها تكون في باله بعد ......
اختهم(منيره)عندها ولد واحد اسمه خالد اهو مقرب ون فهد بس مو نفس شخصيته وعمرع26
سنه واهو يدير حلال امه بالشرك
............................................



التعديل الأخير تم بواسطة ღ♥ღ جـــوديღ♥ღ ; 03-17-2012 الساعة 10:28 PM
غرام السنين غير متصل   رد مع اقتباس
قديم 01-14-2008, 02:12 AM   #2 (permalink)
غرام السنين
رومانسي مجتهد
 
الصورة الرمزية غرام السنين
 
منال تنادي الخادمه:راني شيلي الريوق انا خلصت...منال طلعت من البيت وقبل لا تركب سيارتها
قالت لنفسها اروح اشوف عاليه الحين اكيد قاعده من الفجر تذاكر هذا اذا كانت تنام
(بيت عمها راشد ابو عاليه بجمب بيتهم يعني جيران)
دخلت منال البيت ولقت مرة عمها تتريق..منال:صباح الخير خالتو.....
مرة عمها ام عاليه:اهلين حبيبتي كيفك؟.....منال:الحمدلله ام عاليه :تفضلي يا عمري افطري معي
منال:ثانكيو خالتي عليج بالعافيه انا فطرت وخلصت بس قلت امر على علوي اشوفها شخبارها؟
والوالد يسال عنها يبيني اطمن عليها....تسلمي حبيبتي ماعليها شر منيحه بس تئبرني هالكه نفسا
بالدراسه كتير حتى وشها تغير منال؟لا تخافين عليها خالتي كلنا قبل جذي بس اهي مزودتها حبتين وينها اهي قاعده؟... ليش عم بتنام هي ؟ منال:اوكي عن اذنج خالتي بصعد لها ...
تفضلي حبيبتي .... طقت منال الباب ....عاليه تفضل...منال:صباح الخير دكتوره ممكن اخذ من وقتج 5
دقايق.... عاليه:هلااااااااااا والله صباح الورد بعد ما سلمو على بعض
منال:ماشا الله الناس حزت الامتحانات والدراسه يجكرون وانتي تحلين زياده ها؟
عاليه:لا والله عيونج الحلوه ولا انا ما شفت الحلاة ..منال:لا يعني ها تدرين انج حلوووووه
عشان جذي تتغلين المهم انتي شلونج بالدراسه شخبارج معاها طمنيني محتاجه شي؟
ترى ابوي يقولج لا تخلين في نفسج شي وانتي باخر سنه والمشكله علوي حتى دروس خصوصي
ما تاخذين....عاليه:يا حياتي انا ماحب اشتت نفسي دروس ومراجعات وغيره هذي الاشيا اهي اللي تخلي
الواحد يتلعوز وتشتت تفكيره ويحس ان كل شي حوله صعب فبالتالي...قاطعتها منال:اقول لا تقعدين
تتفلسفين.... ضحكت عاليه... منال:امتى بالضبط بتبدا امتحاناتج ؟
عاليه:بعد ثلالث ايام بالضبط..منال:امبييييييييه ما بقى لج شي شنو اول امتحان؟
عاليه؟رياضيات....منال:وييييييع الله يعينج انتي تحضيراتج شلون اوكي؟
عاليه باذن الله تمام....منال:الله يوفقج بخليج ما يصير اعطلج اكثر من جذي
عاليه:لا تكفين خليج شوي...منال:من صجج عشان اذا سقطتي اكون انا السبب لا يبه
ضحكت عاليه ...منال باستها وقالت لها ابوي كان وده يشوفج ويطمن عليج بس انا بقوله ان
امتحاناتج بعد يومين ما تقدرين تشوفين حد....عاليه:شدعوه منول عاد الا عمي بندرلا عادي يبيني امر عليه ولا يبي يزورنا حياه الله...منال:حبيبتي اهو مايبي شي خليج بدروسج بس بيطمن عليج
وانا بطمنه ..قامت منال بتبطل الباب عشان تطلع .. نادتها عاليه منال؟ منال:هلا
عاليه:فهد شخباره؟ ابتسمت منال:تمام....عاليه بتردد:ما يسال عني؟؟؟؟؟؟؟؟؟؟؟؟
منال؟والله انا ما كلمه واايد بس اكيد يسال عنج الوالد ...
عاليه ليه ما تكلمينه...منال:شفيج ماتدرين انه مسافر؟؟؟ عاليه:شننننننننننننننننننو....... م...مسافر
وين ؟امتى؟ليه ما قلتي لي؟............. منال:شفيج انتي مسافر من ثلاث اسابيع تقريبا بشغل
بعدين انتي مو فاضيه عشان نقعد نسولف بمواضيع تافهه مثل هذي....
عاليه بعصبيه :شنو تافهه انتي تدرين...قاطعنها منال بعصبيه:انا اللي ادري شي واحد ان المفروض
تركزين بدراستج وبس يله باي... عاليه مسكت منال قبل لا تطلع :منول بلييييييز لا تزعلين مني
بس...منال:بس دراستج اهم الحين من اي شي صح.... عاليه اكييييييييييد
طيب بس قولي ليه سافر؟ منال:يعني ليه بشغل....عاليه وين ؟ منال:موبعيد الامارات
عاليه:شخباره؟ منال:تمام بيرد بعد ثلاث ايام بليييييييز حطي بالج على روحج الحين بعدين
اللي تبين تسوينه سويه وانا معاج اوكي حبيبي؟ عاليه:اوكي
راحت منال وليما نزلت الصاله قالت لمرة عمها بلييييييييز خاله ديري بالج على علوي واي شي تحتاجه
قولي لي عنه...ام عاليه:تسلمي يابنتي انشا الله ما بيصيب الا يلي كاتبه ربنا
منال: انشا الله اوكي عن اذنج تاخرت عالجامعه.... اذنك معك الله يوفئك
طلعت منال من البيت وركبت سيارتها دقت عليها غدير بنت عمها غدير منال:هلا غدوره
غدير ها شخباج..منال:الحمدلله... انتي شلونج؟.. غدير:ماعلي وينج انا بالجامعه ما شوفج ؟
منال:كاني بالطريج ....غدير اوكي عطيني رنه اذا وصلتي... منال:اوكي
وصلت منال للجامعه وشافتها غدير من بعيد غدير:يالخايسه ليه ما عطيتيني رنه؟
منال:اسم الله ناطرتني شعندج توني الحين دخلت.... غدير :ادري المهم تعالي معاي ابيج
منال:لا تكفين حدددي مالي خلق باخذ جدولي واروح....غدير:شفيج ابيج شوي خلينا نشرب لنا شي وبعدين سوي اللي تبين لان عندي محاضره مالي خلقها.... منال ليش امتى صار لج خلق ؟
غدير:وييييييه تعالي قعدو بالكافتيريا غدير:شخبار عمي؟... منال:يسال عنكم
غدير:يووووه بليز لا تقعدين تنقزين والله ان ودنا نشوفه مشتاقين له حتى ابوي بعدين عمي وابوي
بيتمون اخوان وعمر الفلوس ما فرقت بينهم...منال:الفلوس يا حبيبتي بالنسبه لبوي وصخ دنيا
وعمره ما عطاها اهتمام .....غدير:وابوي بعد والا تشكين فيه بس اهو ما وده ان شقى العايله واسمها
يضيع عل اشيا مالها معنى.....منال:مالها معنى؟؟؟؟؟؟؟؟؟ حدددددددددج غريبه انتي وابوج اللي اهو عمي للاسف عمي مستعد يفرط بلحمه ودمه ولا يفرط بدينار...
غدير:لا منول لا تقولين جي على ابوي ابوي يحب اخوانه بس اهو يحسب للياي ويفكر فيه
تدرين المستقبل ما نعرف شنو يخبي لنا..منال:اللي كاتبه رب العالمين بيصير بعدين ما صار شي
يستحق ان عمي يتضايق جذي وما يزورنا لا ويهدد ابوي وعمتي عليه
غدير :انت تدرين شنو اللي ضايقه...منال:والله ليما ابوي يفكر في بنت اخوه المتوفي وزجته
ويراعي حلالهم هذا شي ما يغضب حد عمي راشد الله يرحمه له كثر نصيب ابوي وابوج
والا شراج؟؟؟؟؟؟؟...غدير:انتي بنفسج قلتيها الله يرحمه بعدين شتبي مرته عايشه احسن عيشه
ما تحلم فيها في بلدها وبنتها عشتو عمي مستعد يسوي اي شي بس السندريلا بنتها تبتسم
منال:والله يا حبيبتي اذا اهم عايشين بخير فهذا مو بخير ابوي وابوج مثل ما تعتقدين هذا
حلال عمي نصيبه وبنته اولى فيه وهي وامها موحرام ولا عيب اذا ابوي يدور راحة بنت اخوه
لانها مثل بنته وبعدين لا تصيرين متطرفه بارائج كونج ما تحبينهم شي وكونج تقولين الحق شي
ثاني........غدير:ماحبهم ليييييييه؟؟؟؟؟شبي منهم مالي شغل فيهم ولا لهم شغل فيني بعدين خلينا من
هالسوالف ابوي وابوج اخوان ومصيرهم لبعض واحنا ماياثر علينا اي شي بالعكس المشاكل
الصغيره هذي المفروض تقوي علاقتنا اكثر....... والا
منال:اكيييييييييد بعدين ابوي عمره ما يشيل على حد فما بالج اخوه وعياله؟؟
غدير:لا يعني ابوي اهو اللي .......قاطعتها منال: ابوج وابوي الله يخليهم لبعض واحنا انتي قلتيها بلسانج
مالنا شغل فيهم يله غيري الموضوع وعطيني اخر اخبارج
غدير:اخباري من اخبار حبيب قلبي.............. منال بينه وبين نفسها:يا ملغج بدت الاخت
غدير:والله ما غمضت لي عين من سافر وليما سافر خالي بو زياد الامارات الاسبوع اللي طاف بغيت
اروح معاه بس امي ما رضت عشان الجامعه الزفت........
منال:شتسوين بالامارات؟ غدير:لا تتغيشمين................... منال:عشان فهد يعني
غدير:ومنو غيره حبيب قلبي وعمري ليه فيه انسان بالدنيا يقدر ياثر فيني غيره
منال:يا خطييييييييييييييير ..تدرين فهد ما يحب هالكلمه..............غدير:اي كلمه؟
منال:هذي حبيبي وحبيب قلبي وحبيب عمري يعني لو يسمعج تقولينها بيحتقرج
غدير:ليه يحتقرني مافيه حد ما يحب الكلام الحلو وبعدين انتي شدراج فيه............
منال:شلون شدراني فيه؟انا اخته وادري عن كل شي في حياة فهد..فهد انسان جدي حتى كلامه قليل وما يتكلم الا عند الضروره يعني ما يحب الشخص اللي يتكلم وااااااايد وما يحب الانسان الرومانسي والعاطفي...........غدير:هذا لانه ماحب ولو يحب هالكلام اللي تقولين انه ما يطيقه بيصير موضوعه بكل حزه ومصيره يحب وبتشوفين بعينج......منال:ايه خييييييييير انشا الله يحب اقصد يحبج
غدير تتمسخرين علي بتشوفين وبتحداج........منال:اوكي حبيبتي مشكوره ما بشوف شي


غير جدولي وبس مليت من هاالاسطوانه عن اذنج........غدير بعد ماراحت منال:الله لا يردج
انا شلي مخليني احتمل اسلوبج الزفت وياي غير فهد بتشوفين ان ما خليتج تندمين على طريقتج
معاي واستخفافج فيني ماطلع غدير وخل تنفعج بنت الغريبه
.................................................. ....
ابو فهد (بالشركه)يطق الباب عليه.بو فهد:تفضل......محمد(سكرتير بو فهد)عمي وصل فاكس فهد من اامارات ويقول ان كل الامور ما شيه تمام وان التشكيله الجديده من المهندسين وصلت من مصر وبعد
يومين بيوصلون بالديره.........ابو فهد:الله يبشرك بالخير يا محمد الله يعطيه العافيه فهد
محمد:اي والله عمي ..عمي فهد بصراحه لولاه جان ماعرفنا شبنسوي بهالشركه
بوفهد:الله يعطيه العافيه اتصل انت يا محمد بشركائنا في مشروع المركز التجاري وقولهم
ان المهندسين بيوصلون بعد يومين ...محمد:صار عمي عن اذنك..........
دخل خالد ولد اختهه منيره:صبحك الله بالخبر خالي...هلا خالد .......ولد خالك السبع ظبط مشروع مصنع
الالومنيوم بالمارات اللي بغينا نلغيه واشرف عليه بنفسه وبيطرش لنا مهندسين بعد يومين بيوصلون
الديره لمشروعنا مع بومساعد وبو بندر........خالد:ما ينخاف على فهد وياخالي تفكيره كان صح
ليما رفض يلغي المشروع بالامارات لان الالومنيوم هاليومين مهم جدا وبو فزاع شريكنا وصديق
للعايله من زمان عمره ما شار علينا الا وفيه مصلحتنا ويكفي وقفاته ويانا واستقباله لنا ايام ما نكون هناك.......ما كلمت خالي غانم؟.........بو فهد:والله يا ولدي انا ما بيني وبين خالك غانم شي
هذي كلها شكليات صغيره لا تحط في بالك انا متعود عليه.خالد:الله يخليكم لبعض بس اهو كلم امي امس وقالها ان يبيه تشاركه بالمشروع اللي كلمنا فيه ورافضناه وامي رفضت وقالت وماودي يشيل
عليها لانها.....قاطعه خاله:خالد ياولدي لا تشبل بال احنا عمرنا ما اثر علينا شي وعمك صج
انه يصير عسر احيانا بس قلبه ذهب وانا لو عندي ميزانيه تسمح ما كنت عارضته بس احنا حددددنا
ما نقدر نبدا باي شي جديد لان مشروع الامارات والموووول خسفو الميزانيه
خالد:صح وعشان جذي خالي طلب ان ناخذ من نصيب عاليه وامها....................
بو فهد:هذا حرام يا ولدي عاليه امانه برقبتي اهي وامها وحرام نستغل مال انسان يتيم حتى لو كنا
عمامها يكفي ابوها انحرم من حقه بعد نحرم بنته............خالد:ونعم الراي عمي الله يعطيك العافيه
.................................................. ........................
غرام السنين غير متصل   رد مع اقتباس
قديم 01-14-2008, 02:19 AM   #3 (permalink)
غرام السنين
رومانسي مجتهد
 
الصورة الرمزية غرام السنين
 
--------------------------------------------------------------------------------

بيت(بوفهد)....الخادمه تطق الباب على منال..منال:نعم دشي راني ......بابا ابو احمد تحت بالصاله
منال:عمي غانم اوكي روحي انتي انا بنزل....نزلت منال الصاله......قوه عمي سلمت على عمها
ابو احمد:هلا والله ها تذكرين اني عمج للحين..منال:اكييييييد ليش احد قالك اني فاقده الذاكره..
بواحمد:ما شا الله عليج ردودج جاهزه.....منال:عمي شفيك ليش جذي احسك متغير حتى طريقة


كلامك انت عمي اخو ابوي مستحيل اني انساك او اتجاهلك وابوي نفس الشي وانت مو بحاجه
لدليل على هالشي.....ابواحمد:انا ما فيني شي بالعكس كل الموضوع اني مشتاق لكم الشركات صار لي اسبوع ماروح لها ومادري عنها وبصراحه اشتقت لبندر ودي اشوفه بس قلت ماني ماره الشركه
لاني ان دخلتها بتنرفز قلت امركم هنيه واتغدى بالمره عندكم......منال:حياك بيتك ما تحتاج عزيمه عليه
ابو احمد:الا انتي شلونج ؟......منال:الحمد لله......وفهد شخباره ما كلمتوه؟........
الحمدلله عمي كلمناه كلها يومين ويرد.........منال:عن اذنك لحظه عمي.........راحت منال
تتصل على ابوها:قوه يبه.....هلا يبه....عمي غانم عندنا ويبي يتغدى معانا تعال بسرعه وا عليى حده
مشتاق لك وبليييييييييييز اذا وصلت لا تطري الموضوع اللي تزاعلتو بسبته لانه مايبي يفتحه
يمكن حس انه ندمان.........ابتسم ابوها وقال:على امرج ياالحنونه........ردت منال قعدت وي عمها
وقعدو يسولفون ......بعده بساعه وصل بو فهد وسلم على اخوه بكل شوق وحب وقعدو يسولفون
ولا كانهم متزاعلين وتغدو وي بعض وليما طلع غانم من البيت .......اتصل بوفهد باخته منيره..
وقالها:يام خالد ابيج اليوم تروحين لبيت اخوج بو احمد وتتعشين عندهم انتي وخالد ما نبي امور تافهه تفرق بينا......ردت عليه اخته بكل ادب وقالت:انت تامر ياخوي وانا بغيت اروح له من قبل لا تكلمني بس بغيته يهدا شوي.......سكر ابو فهد من اخته وراح ينام
.................................................. ...........................
الساعه 8 بالليل(بيت بو احمد)ام خالد:قوه ام احمد شلونكم ؟....سلمت على مرة اخوها وقعدت
(ام احمد شخصيتها حلوه ما تحب تتدخل بين زوجها واخوانه وتحب العايله )
ام احمد:شلونج وشلون خالد ليه ما جا معاج؟........والله بخير وخالد بيجي بعد شوي العيال شلونهم
وينهم ما شوفهم...... والله احمد طلع وي ربعه وبيجي عالعشا وغدير بالسوق وي بنت خالتها
تشتري نفنوف لملجة ولد اختي عادل ....اي عالبركه ملج على منو؟والله على بنت عمه.....
امتى؟....... والله الاسبوع الياي الحفله.....اي تستاهل ام عادل عاد فشله ما باركت لها لازم تعطيني رقمها ابارك لها ......انشا الله............. عبوره شلونها وي الحمال ..........والله ما عليها
اخوي وينه ....ابتسمت ام احمد وقالت بشوفه لج....قبل لا تقوم له جا غانم بنفسه ..
قامت اخته وسلمت عليه..تمويسولفون وقامت عنهم ام احمد........
ابو احمد:شلونج منيره؟....... انا تمام انت شلونك. ..... الحمدلله ما بغيت اشوفج والله اني مشتاق لكم
الله يخليك لنا واحنا اكثر.....تمو يسولفون وصلت غدير وقبل لا تدخل البيت شافت سايق عمتها وقالت:
جبح هذي شتبي يا يه...... راحت الصاله وسلمت على عمتها وصعدت دارها وقعدت تكلم نفسها
ايه تسوي نفسها اسكت يعني احب اخواني مالت عليج وعلى ولدج.......... وراحت تشوف النفنوف
اللي اشترته وليما قاسته راحت لكبتها وفتحته طلعت صورة فهد وقالت:اللللللللللللله انشا الله المره الثانيه اشتري نفنوف ملجتنا يا قلبي ..................................
وصل خالد لبيت خاله دخل الصاله وسلم على خاله ومرة خاله وقعد بالصاله.......
قال بو احمد لزوجته وين العيال دقي على احمد يجي خل نتعشى كلنا وي بعض ونادي غدير من دارها
راحت ام احمد لغدير ودخلت عليها بالدار ......غدير وينج يمه ابوج يسال عنج؟.....
وييه يمه كنت اقيس نفنوفي يهبل البسه تشوفينه ......انشا الله مره ثانيه الحين انزلي تحت تبوج يبيج
فشله ما قعدتي وي عمتج........ يووووووووه شكو انتو وي بعض انا شسوي.....يمه فشله
عمتج من زمان ما طبت بيتنا وبعدين خالد وصل............. وانا شكو
يله عاد انزلي بلا سخافه.....غدير:انشا الله ....طلعت امها وراحت تزهب العشا وي الخادمات
غدير:مادري شتبي هذي هي وولدها.......
نزلت وسلمت على خالد:قوه خالد......خالد فز من قلللللللللللب....هلا .....هلا والله غدير شلونج؟
تمام ....... خالد يحب غدير ويموت عليها واهي ما تحبه وااااايد مغروره عليه
واهي تدري انه يحبها مع انه ما عترف لها بس وااضح عليه من تصرفاته
وصل احمد وسلم على عمته وعلى خالد وقعدو يتعشون ......وخالد طول الوقت عيونه ما شالها من غدير
.................................................. ..............
غرام السنين غير متصل   رد مع اقتباس
قديم 01-14-2008, 02:31 AM   #4 (permalink)
غرام السنين
رومانسي مجتهد
 
الصورة الرمزية غرام السنين
 
--------------------------------------------------------------------------------

الساعه 6 ونص الصبح (بيت عاليه)ام عاليه:يا حبيبتي حاج ترتبكي هيك وتخافي كليلك لقئمه
عاليه:لا مامي انا اوكي وخلاص وغلاتج احس اني شبعت ....اوكي بدك روح معك..نو مامي
انا بروح بروحي عادي .... نزلت شوية دموع من عيون ام عاليه....عاليه:اووو مامي لا تتضايقين
صدقيني انا بخير ومعنوياتي فووووق الريح بعدين وفري دموعج ليوم يستاهل واكيد بتكون حزتها
دموع الفرح..باست الام بنتها وطلعت عاليه من البيت وركبت السياره....وقالت للسايق يله سمير حرك
دق تلفون عاليه وشالته:هلا حبيبي هلا منول.....منال:صباح الخير يا حلوه....صباح الورد هلا حبيبتي
شوفي انا قاعده مبجر عشانج سمعي كلامي عدل اول شي لا تدخلين الا حزة توزيع الاوراق يعني خلج
بالسياره وموتقعدين تسلمين على رفيجاتج انسيهم بالمره واذا دخلتي لا تكتبين اي شي قبل لا تقرين اية
الكرسي وجم دعاء ولا تعدين الاوراق لان هالشي بيسبب لج احباط واذا طلعو البنات لا ترتبكين وخوذي كل وقتج بالحل اللي ما تعرفينه خليه وروحي للي تعرفينه وبعدين ردي عليه واذا طلعتي من الامتحان
سيده روحي للسياره ولاتكلمين رفيجاتج وتراجعين الحل واذا رديتي البيت تعطيني خبر عن حلج ونامي بعدها ثلاث ساعات بالضبط بعدين حضري للي بعده ويله باي............
ضحكت عاليه :يا حياتي الله يخليج لي صج كنت محتاجه اسمع صوتج و....قاطعتها منال:مو قته الحين نتكلم باي انا عطيتج نصايح مهمه ومابي اشتت ذهنج باي شي ثاني ......
ترددت عاليه لحظه وقالت:لحطه قبل ما تسكرين فهد بيرد اليوم......منال:من صجج انتي قتلج انسي
هالموضوع ولا تفكرين بشي غير امتحاناتج .....منول انا مافكرت بي شي بس اسال
بلييييز جاوبي بكلمه ....ايه اليوم ويله باي....عاليه .باي
عاليه قعدت تفكر بينها وبين نفسها:ياربي شسوي والله ماعرف شنو اللي يصير فيني ..لي متى بتم احبه
جذي وافكر فيه بالطريقه هذي معقوله ...قبل كنت اقول لنفسي يله ممكن تكون مرحلة مراهقه وتعدي
ياللللللله احبه احبه احبه واهو يمكن يعتبرني مجرد طفله بالنسبه له وان فكر يحب مستحيل يطالع
لي ممكن اكون املك مواصفات كل واحد يتمنى تكون حبيبته تمتلكها بس فارق العمر بينا وخاصه
بالنسبه لفهد اكبر من كل شي وغدير بنت عمي غانم مستحيل تعطي فرصه لاحد هه الكل يدري انها تحبه
هذا اذا ماكان اهو يدري لا ويمكن اهو بعد.......لا لا يا عاليه لا تفكرين جذي انتي تحبينه وبتوصلين لقلبه
ايه انا مستحيل استسلم وانساك يا فهد لانك حلم حياتي من كنت صغيره وانا اشوف فيك (حبيبي)بس
الحين مثل ما قالت منال انا لازم ما فكر بشي غير امتحاناتي ...................................
الساعه9 الصبح نزلت منال وقعدت تتريق مع ابوها:صباح الخير يبه.....هلا بنيتي اليوم امتحانات
الثانويه تبدا ها........ اي يبه .ها علوي شنو عندها اليوم؟......رياضيات كلمتها الصبح وقلت لها طمنا اول ما توصل ...........حبيبتي اهي الله يوفقها ............ها يبه االيوم بيرد فهد ؟......
باذن الله ........امتى؟الساعه 4 العصر ...........منال سالت ابوها بتردد:يبه مو مفكر تزوج فهد؟
ابتسم لها ابوها وقال:منى عيني انا قبل قلت اخليه ليما اهو يطلب هالشي او يجيني بنفسه
ويقول انا ابي فلانه بنت فلان وابيك تخطبها بس الظاهر انه مو فاضي يحب.....انا قررت افتح معاه الموضوع هاليومين...........منال.:ص.....صج يبه منو بتخطب له يعني حاط ببالك حد....
اي ومابي اقولج..........يبه بلييييييييييييز ليش جذي قولي عاد...............
غدير بنت عمج غانم دهنا في مكبتنا واهي بنت عمه منه وفيه وانا ملاحظ عليها انها تميل له.....
منال بعصبيه :شنووووووووووووووووو لا غدير مستحيل اصلا فهد يكرها موت
شدعوه ليش جذي على بنت عمج بعدين من قالج ان فهد يكرها.......اصلا يبه فهد يدري انها تحبه وما
يعطيها ويه .......انتي شفيج اخذتيني بشراع وميداف بعدين مالج دخل بفهد انا باخذ رايه واهو كيفه
انا ما بجبره على شي............عيل من الحين اقولك لا تعب نفسك فهد بيرفض.......
تدرين انا الشرهه علي اني قتلج بعدين انتي طلعي منها ومالج دخل.......قام ابو فهد وراح للشركه
قعدت منال تفكر....معقوله غدير ؟؟هه لا مستحيل انا اصلا عمري ما حطيت في بالي يوم انها ممكن تكون زوجه لفهد بعدين اهي فاشله حتى طموح ما عندها وفهد احلى منها بمليييييييييييييييييون مره
لا لا فهد يبي له وحده بجمال علوي وبتفكيرها مع انها اصغر من غدير الا انها مثقفه اكثر منها
وجمالها سااااااااااااحر ايه اهي تليق بفهد واهي تحبه من زمان مو مثل غدير كل يوم لها واحد
وليما شبعت يات لخوي لا .ويه انا ليه شاغله نفسي اصلا فهد مستحيل يفكر مجرد تفكير فيها
.................................................. .
الساعه11 الظهر وصلت عاليه للبيت وقبل لا تنزل بيتهم راحت بيت عمها وصعدت فوق
دار منال طقت الباب على منال بس ماردت دخلت لقتها نايمه راحت عندها:منول قومي يله....
منال:هلا حبيبتي باست عاليه وقعدت يا حياتي للحين بملابس المدرسه......
ايه توني وصلت قلت امر عليج قبل لا ادخل بيتنا ........بسرعه شسويتي ......
الحمدلله ......يعني سهل؟........لا مو سهل بس انا حليت وعلى الله.....متاكده من حلج.......
انشا الله اوكي انا بروح اطمن الوالده وارتاح شوي........حبيبتي روحي الله وياج باجر عندج
رياضيات ورقه ثانيه ها؟.......ايه ........منال:حبيبتي لا تزعلين مني اليوم الصبح انا مابيج تفكرين
بشي غير دراستج الحين..............حبيبتي انا مستحييل ازعل منج بعدين كلامج صح.....
صدقيني وخوذي وعد مني بس تخلصين امتحانات انا وياج بنقعد ونتكلم بهالموضوع وبساعدج
فيه قد ما اقدر ...........حبيبتي انت صدقيني حزتها ما بكون محتاجه حد وبتشوفين شلون اتغير
ضحكت وقالت:لا وبيحبني اكثر من حبي له......ضحكت منال:اكييييييد لان سحرك وجاذبيتك لا
تقاوم .........طلعت عاليه من الغرفه................ وقالت منال لنفسها:ياربي ابوي يحب
عاليه ويموت عليها اكثر حتى مني ليه ما فكر فيها بدل هالنسره؟ بس معقوله لانها صغيره
........(بيت ام خالد) خالد قوه يمه...............هلا يمه شفيك نايم لي هالحزه الساعه 1 الظهر
اول مره تنام جذي حتى الشركه ما رحت لها .......والله مادري نمت وما قعدت الا الحين .....
يا حياتي علويه اليوم اول يوم تبدا امتحاناتها ......الا صج شخبارها يمه؟ما كلمتيها
دقيت عليهم بس قالت لي امها انها نايمه وانها طمنتها على حلها.....الله يوفقها.......
يمه ودي اكلمج بموضوع........خير شعندك قول.......بصراحه انا ودي اتزوج ......
هذي الساعه المباركه يمه......وانا مستعده ازوجك احلى البنات بس انت قول.....
لا يمه انا مابي الا وحده واظن اذا قلت لج عليها بتفرحين.....منو؟؟..غدير بنت خالي غانم
شنوووووو........غدير شفيج يمه؟؟؟؟؟.......ما فيني انت فاتحت خالك بالموضوع او فاتحتها اهي..
لايمه انا ما كلمت غيرج بصراحه انا ابيها.......اي يا يمه بس انا ماظن خالك بيعطينا.........
شنووووووو ليه؟؟انا ولدج يعني منه وفيه......ادري بس اخوي غانم نفسه بفهد ولد خالك
لغدير واكثر من مره لمح لخالك بندر حتى بنته الكل يدري انها تبي فهد........
شنوووو تبي فهد من قالج......شفيك يمه اهدا غدير تبي فهد وحتى اهلها يدرون.....
لا مستحييييييييييل ا.انتم تتخيلون......وخالي بندر شرايه .....شرايه يعني بنت اخوه
وفهد........ما عتقد يدري.........شفيك يمه لا تحر نفسك جذي كل شي قسمه ونصيب
بس انا احبها يمه والله احبها واهي احسها تميل لي.......واذا ما كانت من نصيبك......
لا يمه لا تقولين جذي......ياولدي كل شي قسمه ونصيب وبعدين ممكن تاخذ غير فهد
احنا شدرانا........يمه انا بكلم خالي.....لا يمه مووقته ......طيب بفاتحها ارجوج يمه بشوف رايها بس


واذا طلعت تبي فهد اوعدج اني ابعد عنها.......على راحتك يمه انا مابعارض بس عشان ما تقول امي
وقفت بطريجي.....طلع خالد فوق ..وقعدت منيره تكلم نفسها:انا نا قصتني غذير اهي بليا ما تشتهي
تشوفني واخوي مستحيل يفرط بفهد.........
............
غدير يبه اليوم بيوصل فهد ولد عمي شرايك نروح بيت عمي نسلم عليه ...اكيييييد يبه بنروح
ام احمد:زين قلتو لي بدق على عبير بالمره واقولها تجي تسلم على عمها وولد عمها من زمان
ما طبت بيت عمها .....بو احمد:المهم انا بروح انام وقولي لاحمد يروح ويانا.......
غدير:يمه ابي منج فلوس.......ليه شعندج.....ابي اشتري فيها بدله اروح فيها بيت عمي
يله يمه.....يعني ما عندج.....ايه ما عندي اليوم بطلع بستايل غير وخصوصا ان عاليوه مو موجوده
فلازم استغل الفرصه واطلع حللللللوه جدام فهد......ضحكت امها وقالت:يعني معترفه ان عاليه احلى منج
....تخسي بعدين يكفي سوالف عطيني ولا تسالين
غرام السنين غير متصل   رد مع اقتباس
قديم 01-14-2008, 02:35 AM   #5 (permalink)
غرام السنين
رومانسي مجتهد
 
الصورة الرمزية غرام السنين
 
اتمنى الاقي التشجيع في هالمنتدى مثل غيره من المنتديات واشوف رايكم بالقصه

لان الياي احلى بكثيييييييييييييييير(والرومانسيه كلها فيه)
غرام السنين غير متصل   رد مع اقتباس
قديم 01-14-2008, 09:59 AM   #6 (permalink)
αℓ нαωα αℓ gнαιв
مشرف متميز سابقاً
طيب وبعدين ..؟!
 
الصورة الرمزية αℓ нαωα αℓ gнαιв
 
والله مالي في الروايات ..
ولا القصص ..
ولا أحب حزر فزر ..
ولا كان ياماكان ..في قديم الزماان ..
..
..

أحب القصص الكوميديه .. توسع الصدر ..

بس قصتك شكلهــا قصه رايقه ..


يعطيك الف عافيه غـــــرام السنيــن ..
تحيااتي لك .
αℓ нαωα αℓ gнαιв غير متصل   رد مع اقتباس
قديم 01-14-2008, 11:12 AM   #7 (permalink)
غرام السنين
رومانسي مجتهد
 
الصورة الرمزية غرام السنين
 
اقتباس:
المشاركة الأصلية كتبت بواسطة ~¤§عـذب الصـفات§¤~ مشاهدة المشاركة
والله مالي في الروايات ..
ولا القصص ..
ولا أحب حزر فزر ..
ولا كان ياماكان ..في قديم الزماان ..
..
..

أحب القصص الكوميديه .. توسع الصدر ..

بس قصتك شكلهــا قصه رايقه ..


يعطيك الف عافيه غـــــرام السنيــن ..
تحيااتي لك .
اله يعافيك والله اخوي يشرفني مرورك
غرام السنين غير متصل   رد مع اقتباس
قديم 01-14-2008, 10:46 PM   #8 (permalink)
غرام السنين
رومانسي مجتهد
 
الصورة الرمزية غرام السنين
 
وين التشجيع؟؟؟؟؟؟؟؟؟؟؟؟؟؟؟؟؟؟؟

مابنزل بارت منها ان مالقيت تشجيع
غرام السنين غير متصل   رد مع اقتباس
قديم 01-15-2008, 12:54 AM   #9 (permalink)
حلوة ودمي خفيف
رومانسي فعال
 
الصورة الرمزية حلوة ودمي خفيف
 
مشكووووووووووووووووووور
غرام السنين
بلييييييييييز لاتطول علينا
يعني مايكفيك رأينا بالقصة
والله مررررررة جنان
وبداية حلوه
يعني لاتطول بليز
ننتظر البارت الجاي بشوق
دمت بحب
حلوة ودمي خفيف غير متصل   رد مع اقتباس
قديم 01-15-2008, 02:53 AM   #10 (permalink)
غرام السنين
رومانسي مجتهد
 
الصورة الرمزية غرام السنين
 
بيت بوفهد.........منال:ها يبه اشوفك قاعد ليما الحين؟ والساعه الحين 4ونص موقلت ان فهد بيوصل
4......... ابوفهد:ايه يبه اكيد اهو بالطريج انا مارحت ليش ان اهو مارضى يقول ان هذي مواول
مره يروح فيها ....اها يعني ما يبيك تجهد نفسك.......اوكي انا بروح داري ارتب نفسي لان بيت
عمي غانم وعمتي منيره اكييد بيزورونا اليوم.......سالها ابوها:قبل لا تروحين الا صج شخبار علوي
بعد عمري حتى ما دقيت عليها .......الحمد لله يبه تقول انها حلت عدل.........صعدت منال فوق لدارها
وراح ابوها قعد بالحديقه ينطر ولده ........وكلها ربع ساعه وصل فهد نزل من السياره ......
وراح السايق ينزل اغراضه....مشى فهد وابتسم ليما شاف ابوه بالحديقه........فز ابوه من قلب لفهد
وقال:هلا والله هلا بولدي حمدالله على سلامتك......فهد:هلا يبه الله يسلمك باس راس ابوه وقعد
ها يبه شلونك؟.......الحمد لله انت طمني عنك ياعمري شخبارك وشلون اهل الامارات؟
تمام ويسلمون عليك........عمي غانم شلونه وشخباره وياكم بالشغل؟......
ضحك ابوه وقال:رافع الراس ما عليه انت شخبارك يبه والله اني اهلكتك بالشغل.....
افا عليك يبه ولدك سبع وبعدين انا ماسويت شي قاعد اداري حلالنا ............
تمو يسولفون ووصلت منال:هلا والله حمدالله عالسلامه......هلا منول الله يسلمج .....سلمت منال
على اخوها وقعدت عنده.ايه اشوفك سالت عني؟ حتى ما طلعت تسلم علي.......
فهد:ليش منو اللي لازم يسلم عالثاني انا ولا انتي .....منال:انا كنت قاعد ازهب نفسي لك
ضحك فهد:لا تخافين بتمين بعيوني جيييييييكر......افاااا فهد من صجك
ضحك فهد:اقص عليج .انتي ليه تصدقين اي شي ........المهم ما علينا قولي شخبار السفره..
والله اوكي .......وهديتي.......اي هديه كل ما سافر تبيني اييب لج شي معاي.......
يعني ما يبت لي شي.......ضحك ابوها:فهد مستحيل ينساج بس يبي يستفزج..........ضحك فهد
صح انا انساج .....ابو فهد يله يبه روح ارتاح فوق بشقتك ليش ان اليوم بيون بيت عمك يسلمون عليك
فهد:اوكي يبه عن اذنكم............طلع فهد فوق (فهد له فوق جناح كامل له) وطلع بشقته يرتاح
راح فهد يفتح كبته وطلع منه ملابس واخذ فوطته لانه بياخذ شاورقبل لا يدخل الحمام.....
طقت منال الباب عليه.......فهد:منو.....انا منال.......تفضلي........ها بتاخذ شاور.........ايه
قلت اخذ اشاور وانام شوي على ما ييون بيت عمي ..........منال:اوكي اخليك ترتاح......
فهد:منا شفيج فيه شي ابوي صاير له شي؟......لا فهد مافيه شي بس بغيت اطمن عليك......
طيب شخباركم.....منال:من تقصد.......فهد:اقصد الكل.......منال:يعني عندك وقت تسمع اخبار الكل.
فهد:ليش صاير شي منال تكلمي عدل او طلعي برا ترى مالي خلق سخافتج.....
منال:والله فهد انا سخيفه.ليه شسويت..........ماكو بس غامضه بكلامج اذا عندج شي قوليه
منال:انا قتلك ما عندي شي بس انت سالتني عن اخبارنا....فهد:ايه فيكم شي.......
منال:لا تمام كلنا بخير بس انا اسال انت عن منو تسال بالضبط...........فهد:منال شعندج.تدرين شلون
طلعي برا انتي فاضيه.......افااا ليه فهد .........بس لاني هلكان حدي وبرتاح وانتي ما عندج سالفه
منال:اوكي فهد بخليك ترتاح...........طلعت منال فهد قعد يكلم نفسه:هذي شفيها اليوم
مينونه؟ معقوله صاير شي وابوي ما يبي يقولي........
راحت منال دارها واتصلت على بيت عمها راشد:قوه خاله......ام عاليه:اهلين حبيبتي .....
منال:ها كيفك خاله وعلوي شلونها قعدت من النوم؟.........نحنا الحمدلله وعاليه ما نامت يمكن غفيت له نص ساعه بس وهلا هي بغرفته عم بتذاكر بدكى انده له........منال:لا خاله خليها تذاكر انا بغيت اقولج ان فهد رد من السفر اذا بغيتي تزورينا اليوم........ايه حبيبت واجب حمد الله عالسلامته.......
الله يسلمج خاله.........
تجمعو الكل في بيت بو فهد ونزل فهد تحت يسلم عليهم.......غدير بينها وبين نفسها:هلا والله بالطله
بعد قلبي صاير احلى .....فهد كان لابس بلوزه سودا نص وبنطلون ابيض وكان شعره طولان وشكله
جذاااااااااااب ويجنن.......فهد هلا والله حي الله من يانا قام له عمه وسلم عليه وباس فهد راسه
وسلم على عمته وعلى خالد وعلى عبير بنت عمه واحمد وليما وصل عند غدير..غدير تقدمت صوبه ومدت ايدها:حمد الله على سلامتك فهد وظلت ما سكه ايده ......فهد بدون ما يطالع لها هلا والله الله يسلمج وسحب ايده وراح قعد بجمب ابوه وعمه.....ابو احمد:شلونك فهد وشلون الشغل انشا الله ما تعبت؟ ....الحمد لله عمي كل شي تمام ....انت شخبارك؟.....انا بخير مادامك بخير يبه.....تسلم عمي
فهد يكلم خالد ولد عمته:شلونكر بووليد ها شلون الشغل من دوني.......رد خالد يضحك والله ماله طعم
مره ثانيه فهد انا وخالي بندر بنروح وياك ياخي ما نعرف نشتغل بدونك....رد عمه غانم بواحمد:
لا تصدقهم ابوك وخالد ما يعرفون يشتغلون وحطو غيابك حجه.....ضحكو الكل ........
تمو يسولفون وظلت غدير طول الوقت تخز بفهد وتناظره وخالد لاحظ هالشي وكان ناوي انه اليوم
يفاتحها بس تراجع لان قال لنفسه:ان كرامته اغلى من كل شي لانه بيعرف رد غدير بعد ما تاكد
من كلام امه .........فهد:شلونج عبير وشلون البيبي؟.........عبير:الحمدلله كل شي ماشي......
فهد:ما بغينا نشوفج يعني اللي تتزوج تصير ما تبي اهلها......ضحكت عبير ونزلت راسها......
وقال ابوها:مو كل اللي يتزوجون بس اللي ياخذون غريب ........عبير:لا انا جذي بصدق كلامكم
يعني معقوله انتو تشوفوني مقصره لهدرجه.......ردت عليها امها:لا يمه ابوج يتغشمر وياج .....
بو احمد:يبه انا مالومج خلاص الواحد تصير له حياة ثانيه ومحيط ثاني بعد الزواج بس انا تعلمت
واختج غدير مستحيل تا9خذ غريب عشان افلس منكم اثنينكم.........استانست غدير بالكلمه
وعبير قالت:لا يبه شنو تفلس منا انا.......قاطعتها عمتها ام خالد:يا حبيبتي لا تضايقين نفسج يتغشمرون وياج .......طق الباب ودخلت ام عاليه راحت منال اول وحده استقبلتها.منال:هلا خاله ......
ام عاليه قامت تتكلم كويتي لانها كل ما تتكلم لبناني تحس ان الكل ما يفهم كلامها وتحس بعيونهم
تطالعها ةتستنقدها ولان بنتها عاليه كانت تحب تخليه تتكلم كويت جدام عمامها
ام عاليه:السلام عليكم .....وسلمت على بو فهد وغانم اللي سلم من ورا نفسه ووصلت لفهد:
حمد االه على سلامتك يمه.....فهد هلا والله هلا خاله الله يسلمج.....وكملت سلامها وقعدت
ام احمد شلونج ام عاليه وشلون عاليه بالامتحانات؟.......والله الحمدلله اليوم اول امتحان لها وتقول انه تمام .....فهد تكلم وصوته كان باين عليه الاهتمام:ها..علوي بدت امتحاناتها امتى؟.....تضايقت غدير


من فهد لانه قال علوي....ام عاليه:اي ياولدي اليوم اول امتحان رياضيات.......
تكلم فهد باهتمام اكثر:وشلونها فيه؟ والله تقول تمام.......فهد:طيب محتاجه شي؟.......
والله تقول انها مو محتاجه شي ..... فهد الله يوفقها.........غدير قامت عنهم وطلعت الحديقه وكانت مغتاظه حددددددددها من فهد اللي ما عطاها اهتمام ولا لاحظ كشختها بعدها طلعو خالد وفهد واحمد للحديقه ولقو غدير بروحها.......احمد:غدير شعندج بروحج وين منال عنج......غدير تمت تطالع فهد واهي معصبه .....وقالت:جذي منال قاعده داخل وانا مليت حسيت اني بشم شوية هوء
فهد تجاهل نظرات غدير اللي حتى اخوها لاحظها وقال:تعالو نقعد....وقعدو عالطاوله.......وتمت غدير
تخز فهد زاهو مو معطي نظراتها اي اهتمام وبعدها راحت داخل .........تمو الشباب يسولفون
وقال احمد لفهد وخالد:بصراحه انتو باطين جبدي ......خالد:لا عاد كلش ولا جبدك....
ضحك فهد ليه حمود.......احمد لان الواحد طق منكم مليييييون سنه وللحين مو متزوجين......
فهد:الللللله مليون سنه..زين انت شكو فينا ......خالد:انا اقولك يبي يرقص بعروسنا ويري نفسه
للبنات حركات اليهال .......احمد:لا حبيبي انا مو ياهل انا كبير ......فهد:عيل شتبي منا؟
احمد:بس مستغرب......فهد قال بضحكه:والله انا ودي اتزوج وميت عالزواج وكل ما قول للوالد يقولي
عيب يبه شلون بتتزوج وولد عمك للحين ما تزوج....ضحك خالد بصوت عالي وقال:اي والله حتى انا
كل ماقول لامي تقولي نفس الشي.....احمد:لا والله يعني من صجكم انا ماني راد عليكم لاني مو ياهل.
فهد:شفيك يابو شهاب من قال انك ياهل.يله عاد قولنا ليش تسال عن زواجنا......احمد:جذي
....خالد:وغير هالاجابه......احمد ماعندي لانكم مو معتبريني رجال كبير كل معتبريني ياهل
فهد:افااا عليك انت اكثر الناس ثقل وعقل وغلاتك اننا لو معتبرينك ياهل ما جان قعدنا وياك
خالد:صح يله عاد صارحنا.......احمد:بصراحه ودي اتزوج ماودي افاتح ابوي بالموضوع وانتم مو متزوجين.........زضحكو فهد وخالد من قلب.......احمد زعل وقال:قتلكم انكم ما بتاخذون كلامي محمل الجد انا بروح عنكم....مسك فهد ايده وقال:خلاص بنسكت بس انت الله يهداك فاجاتنا....
ليش لاني صغير؟ خالد :انت قلتها بنفسك .......احمد لا انا السنه اليايه باخذ رابعه و.......
سكت احمد....خالد:و..شنو بتتزوج يا حبيبي انت توك صغير بعدين العمر جدامك استانس بحياتك
وبعدين فكر بسالفة الزواج.......فهد:حمود اذا بتقولي انك بتحب وهالسوالف والبنت ما تنطر واللي يخطبونها واايد بقولك انت وحبيبتك هذي تراهقون.وان صغيييييييييير جدا على هالسوالف....
احمد:شكو صغي الحب ما يعرف صغير ولا كبير......خالد:يعني تحب قولنا منو سعيدة الحظ
ابتسم فهد:من صجك انت احمد ما يعرف هالسوالف ....... احمد:شنو ما عرف هالسوالف انا كبير ورجال فاهمين .....وقام بيدخل وراح فهد حاول وياه يرد بس ما رضى بعدها كملو السهره وراحو
............. مر اسبوعين على جمعتهم والاوضاع عاديه امور الشغل تمام ومنال تذاكر لامتحاناتها
وخالد قاعد يحاول ينسى غدير ويشيلها من باله لانه حس ان شخصيتها مو حلوه وما تناسبه
وغدير ناسيه امتحاناتها طايحه تفكير بفهد وناويه انها تصارحه بحبها
وعاليه اليوم اخر يوم بالامتحانات رجعت ونامت لمدة يومين
..................
يوم النتايج ,,,,,,, واحداث خياليه الياي اهو الاحلى واعذروني انا ماقدارانزلها كامله عندي امتحانات بعد يومين وما اقدر انزلها بس بوعدكم اني بنزلها وتعجبكم كثيييير
غرام السنين غير متصل   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
روايه رومنسيه.. عشاق من أحفاد الشيطان للكاتبه متكحله بدم خاينها مفحطه باهلها رفوف المحفوظات 5 12-25-2007 06:12 PM
اسئله جريئه ماندي قهوة عالم الرومانسية 12 04-24-2007 04:39 AM
كهف الموت (روايه) علمني وشلون قصص وحكايات عربية وشعبية وعالمية 9 04-16-2007 07:14 AM
~*¤ô§ô¤*~خلطات لل .... خيال X خيال إدخلي واختاري~*¤ô§ô¤*~ امووول صالون عالم حواء الرومانسية 4 02-20-2007 11:27 PM
سبحان الله.....انظروا الى هذا الطفل بأربعة ارجل وطفله بثلاثة ارجل......صور إندماج الأرواح صور 2014 - 2015 2 10-30-2004 12:00 PM


الساعة الآن 04:53 PM


Powered by vBulletin® Version 3.8.7
Copyright ©2000 - 2014, Jelsoft Enterprises Ltd diamond

Search Engine Friendly URLs by vBSEO 3.6.0